Ермаков Ф. К. Колхоз улон сярысь роман (Роман о колхозной жизни) // Молот, 1958. –  № 2. – С. 53-60.

Писатель  Т. Архипов 1957 арлэн удмурт лыдӟисез шумпотты-тӥз кема витем «Лудӟи шур дурын» романэзлэн кыкетӥ      люкетэныз.  Мар шуод — кемагес ке но возьма-но луиз, писательлэн   таиз книгаез идейной содержаниезъя но озьы ик художественной    чеберлыкезъя    но удалтӥз. Соин ик тодэ лыкто М. А. Шолоховлэн верам кылъёсыз: «Каллен ке но, тыро арбаен».

Т. Архипов   нырысь   книгаяз   но колхоз улонэз паськыт планэн возь-матӥз, таяз но озьы ик котькинлэсь азьло удмурт гуртлэсь   война бере улэм-вылэмзэ мур но быга-тыса суредаз.   Таиз   книга, нырысь люкетэныз ӵошатоно   ке,  писатель-лэн творческой    сюресаз    бадӟым азинскон   луэ. Азьло книгаяз сямен ик, таяз    но    колхозной    стройлы оскон, сое ялан юнматыны тыршон но огшоры адямилэсь общественной улонын  бадӟым кужым луэмзэ возь-матон валтӥсь идея луэ. Автор тыр-шем та вакытэ улонысь пӧртэм уж-пумъёсты пусйыны. Книгаын собы-тиос ортчо 1949—1954 аръёсы, сель-ской хозяйствоын   бадӟымесь   вош-тӥськонъёс   азьын   но   со   воштӥсь-конъёс  дыръя.

Книгаын асьме   крестьянстволэн шуг-секытъёсын  пумиськылэмез,  со-осты вормемез,    тыршонъёсыз    но малпаськонъёсыз   быгатыса   возьма-тэмын колхозной улонысь со вакыт-лы тупась  противоречиос яркыт ша-раямын.

Но произведение, со противоречи-осты шараян сяна, та вакытлы туж луись     проблемаосты    пуктэ. Озьы автор    возьматӥз     аслэсьтыз колхоз  улонэз   мур   тодэмзэ но сое

^*  Удмуртской  книжной     издательство. 1957 ар.

умоятон сярысь сюлмаськемзэ. Со проблемаос пӧлысь тросэз   возьматэ-мын вал ини туала ӟуч литература-ын, кылсярысь, Б. Овечкинлэн, С. Залыгинлэн, Г. Троепольскийлэн, В. Тендряковлзн очеркъёсазы но по-вестьёсазы. Кылсярысь, колхозъёс-лэн председательёсынызы ужан, со должностьёсы адямиосты быръён, трудоденьлэсь кужымзэ будэтон, ки-валтонысь бюрократической амалъ-ёсты быдтон но мукет. Т. Ар­хипов но та ужпумъёсты палэнэ уг кельты. Ваньзэ соосты асьме усло-виослы тупатыса сётэ. Данакез про­-блемаос али но сельской хозяйство-ын туж шӧдскымон инты басьто. Соин ик улонэз мур возьматыны тыршись писатель соосты палэнэ кельтыны ӧз быгаты, малы ке шуо-но, соку произведение но оскымон ӧй луысал.

Туж интыяз луэ колхозъёсты бу-магаосын тудӟытыса возись органи-зациосты критиковать каремез но, малы ке шуоно, асьмеос та вакытэ но сыӵе учыръёсын пумиськоно лу-иськом на. Озьы ик быдтымтэ на администрировать карон учыръёс. Соин ик туж зэм луо Поярковлэн верам кылъёсыз: «Котькытын вера-ло, газетъёсы но гожъяло интыысь адямиослы асьсэлы паськыт кичӧл-тон сюрес сётон сярысь. Нош асьме-лэн косъясько: косэмын тыныд — лэсьты, указание вань — быдэсты. Кызьы быдэстоно, кыӵе амалэн — созэ валэктӥсь ӧвӧл. Степанов шуиз_ ук: толэзьскын ю ворттон план бы-дэстэмын ӧз ке луы, чыртыдэ берал-том, пе. Кыл но вераны мыным ӧз сеты. Тӥни кызьы кылзо» (271 стр.). Сыӵе кивалтон амал, валамон ини, колхозъёсты ӝутыны но юнматыны ӧз юртты. Татын но ӵапак со ик

53

Романын умой пусъемын   колхоз улонысь   мукет   тырмымтэос,   кыл-сярысь, та вакытэ но быремын ӧвӧл на    государстволы    ю-нянь    тырон дыръя    вачепумит    (встречной)    ю ворттонъёс. Озьы писатель быгаты-са возьматэ   юнме   шорысь   колхоз кужымез сопала но тапала   кыска-мез.   Государственной   складэ   юэз колхоз пуэ поставка чотын сӥзьыл, нош толалтэ со складысь    ик   нянь ваё етӥн но мукет технической куль-тураос понна.   Сыӵе дантэм ужам-лэн нокыӵе пайдаез уг луы но кол-хозлы мултэс расход лэсьтоно луэ. Та сяна по писатель трос   пӧртэ-месь ужпумъёсты ӝутэ по валамон кылъёсын соосты  быгатыса  сэрттэ-пертче.   Озьы  автор лыдӟисез мал-паськытэ  колхоз  улонысь тырмым-тэосты   шараян но быдтон   сярысь, юрттэ асьме улонэз уката яркыт но умой карыны.

Произведенилэн самой устоез сюлме пыӵамон образъёс бордын луэ. Соос пыр ик писатель ас азяз пуктэм проблемаосты художествен­ной кылын умой возьматыны быга­тэ. Котькудӥз персонаж улэ ас уло-нэныз, висъяське ас манереныз, веросъёсыныз но солы гинэ тупась кылъёсын. Соин ик соос одӥг огзы-лэсь пӧртэмесь луо, нош куддыръя ог-огзылэсь характерзэс мурато.

Романын тужгес но яркыт пуксе-мын Олексанлэн_ образэз. Таиз пер-сонаж  быдэс     произведение пыр потэ но вань геройёсын ик кылэ.    Авторлэн   самой яратоно ге-роез со.   Олексан   улонлэн гинэ    ортчыны  уг яраты, котькуд ужын солэн ас киыныз лэсьтэмез но солэсь емышсэ адӟемез потэ. Арми- ысь бертэм бераз ик сое райисол-коме председательлы   заместителе басьто.   Нош со ас ужезлы уг син-маськы,   солэн  косъяськыса ветлэ-мез уг поты:    киосыз    ӟырдыт уж борды кыстӥсько, малы   ке со пичи дырысен   дышемын ас ку- жыменыз   колхозын   калыкен ӵош вань  сюлэмзэ сётыса    ужаны. Но солэн исполкомын ужамез но уг ортчы.    «Тыр шеп» колхозын мукетъёсаз уполномоченнойын ужа-куз со    бере    кылёнлэсь    мугъёссэ  мургес    валаны тырше.    Со понна визьмо но улонэз адӟем пересьёсын колхоз    ужез    яратӥсь    муртъёсын вераське.    Ипатов    кадь    кыжмем председательёсын но Захар Петров кадь начальникъёсын   ӵем   пумись-кылыса, солы колхоз улонысь тырмымтэослэн   мугъёссы  син азяз умой пуксё. Армиын порядоклы ды-шем    адямилы  нырысь чылкак ва- лантэм вал    «Тыр шеп»    колхозын кылдэм    югдур:    калык   ваньбурез тус-тас    карон,  азьтэмъёслы сётон, колхоз улонлэсь демократ тӥям но мукет учыръёс. Олексан ва-лаз, ваньмыз соос кылдэмын хозяй-ствоен    валасьтэм    муртъёслэн ки-валтэменызы.    Соин ик герой туж адӟонтэм    каре    колхоз    ваньбурез тус-тас    карисьёсыз,   формалистъ-ёсыз но начётчикъёсыз.

Михайлов котькыӵе удысын выль-зэ, умойзэ, ӟечсэ утча, колхоз-никъёслэсь улонзэс уката но умоя-тыны, колхозэз узырмытыны тырше. Нош азинсконъёс капчиен уг сётско. Огазеяськем колхозъёслы предсе-датель луэмез бере солэн сюрес вы-лаз пӧртэм шуг-секытъёс уката тросгес пумиськылыны кутскизы.

54

Михайлов котькыӵе удысын выль-зэ, умойзэ, ӟечсэ утча, колхоз-никъёслэсь улонзэс уката но умоя-тыны, колхозэз узырмытыны тырше. Нош азинсконъёс капчиен уг сётско. Огазеяськем кохозъёслы предсе-датель луэмез бере солэн сюрес вы-лаз пӧртэм шуг-секытъёс уката тросгес пумиськылыны кутскизы. Нырысь ик солы ас понназы гинэ улӥсь но, асьсэзыс гинэ яратӥсь колхозникъёсын ваче вуоно луиз, кылсярысь Горд Петыр но Гырдым Сандра кадьёсын, колхозлэсь палэ-нын ужаны тыршисьёсын но соин ӵош ик колхозлэсь тросгес кыскыны яратӥсьёсын. Нырысь-палысь со ас ужаз, ас тыршонъёсаз юрттэт шедьтыны ӧз быгаты партилэн райкомез-лэн секретарезлэсь Степановлэсь но, озьы ик      МТС-лэн     директорезлэсь Рыбинлэсь но. Отӥяз ини, партилэн  кутэм ужрадъёсызъя колхоз улонын бадӟымесь воштӥськонъёс луо. Рай-ком но МТС ласянь Михайловлы юрттонъёс  умояло, кивалтон конкретной луэ. Соин ик книгалэн пу-маз бадӟыматэм колхозлэн предсе-дателез Михайлов синмаськымонэсь азинсконъёс басьтэ.

Михайловлэн семья   куспын   уло-нэз  романып  син азе адскымон суредамын. Армиысь вуэм бераз Та­ня малпа вал ини    ӵош   улыны, ог-огедлы  матын луыны, нош соос кус-пын кыӵе ке но кезьытгес мылкыдъёс нырысь страницаосысен ик шӧдӥсько ини. Олексан улонэз  тросгес  тодэ, сюресэз но тросгес ортчиз, нош Таня одӥг колхозысь нокытчы но ӧз пота, соин ик со ас картэзлэсь улонэз ва-ланъя ӧжытак бере кылиз.  Соин но, дыр, Рыбинэн огкылысь голосовать каре  Оле-ксанлы выговор ялон пон-на, нош ачиз   умой-умой   уг вала, урод югдуре вуттэ со ас яратон адямизэ. Нош     Олексан,     дораз бертыса, сое яратӥсь, фронтын тод-матскем эшсэ Лизаез пумита. Солэн улон сюрес вылаз кык адямиос кыл-до. Кыкез ик солы дуно   но   мусо. Соин валче Олексанлэн улоназ выль переживаниос   кутско.   Татын тани Михайловлэн образэз сюлме  пыӵа-мон пӧрмемын. Лыдӟыку соин ӵош переживать кариськод.

_Олексанлы пумит сылэ Захар Петров, писатель тазэ но геройзэ туж оскымон суредам. Петров вань ултозяз капчизэгес, шулдырзэгес гинэ утча, романлэн нырысетӥ люке-таз асьмеос сое колхозын адӟиськом на али: синмыз лябен армие мыны-тэк кыле, нош кыктэтӥ люкетаз За-хар кескич амалэныз вылэ ӝут-ске – со ини райземотделлэн кивал-тӥсез. Ас ужаз бюрократической амалъёсты пыӵатэ, вылӥынгес сы-лӥсь начальство азьын пыдчиньы йылаз ветлэ, нош зэмос уж борды ке кутске, супыльтыса дырзэ быдтэ. Колхозъёсы ке но вуэ, соослэн ку-лэяськонъёссы сярысь со чик уг сюл-маськы, котькуд колхозысь одно ик маке но кыскыны тырше: одӥгысь-тыз чечы, вӧй, мукетысьтыз сӥль, пызь но мукет продуктаос, озьы ик мултэс уг кары кумышкаез но. Са­мой ӟырдыт бусы ужъёс дыръя кол-хозъёслэн кивалтӥсьсы шур дуръ-ёсын, арамаосын кильтырес ныл-кышноосын дырзэ быдтэ. Захар — ассэ гинэ яратӥсь адями, карьера лэсьтон понна гинэ тыршись тип, иырысетӥ секретарьлы Степановлы олокызьы по пыриськыны тырше. Собере, солы матэ кариськыны бы-гатытэк, кышноез пыртӥ влиять ка­рыны тырше. Честной адямиосты сьӧдмаса, соос вылэ пож ву киська-са но Степановлэн кышноез пыр За-хар быгатэ Степановез соослы пу-мит ӝутыны, кӧнялы ке ас палаз дурбасьтӥсьлы пӧрмытыны, бадӟы-матэм колхозэ председателе вут-скыны. Колхоз кивалтӥсь луэм бе­раз со аслыз нырысь кабинет дасяз, секретарь медъяны малпаз «ми--нистръёслэн секретарьёссы кадь егитсэ но чеберзэ», аслыз куинь ворттылон валъёс висъяз, собере, правлениез но колхозникъёсты пӧя­са, ясли лэсьтӥсько шуыса, туж ӝог аслыз корка пуктыны кутскиз. Заха-рлы шулдыр но ка-пчи улон ги­нэ мед луоз, нырулаз кумышка ке сюре, со ваньзэ ик вунэтэ. Колхозын ужакуз со котыре капчи ужез яра-тӥсь но палэнэ тыршись муртъёс лю-касько, сое ушъяло но асьсэлы умойгес кусок басьтыны тыршо. Сыӵеесь луо Селифон но Гырдым Сандра. Аслаз кескич манереныз ик солы кылдэ колхозысь одӥгзэ усто ужаны но кырӟаны яратӥсь ны-лэз — Сандӥез пӧяны но кышно басьтыны. Озьы егит, чылкыт сюлэ-мо адямилэсь улонзэ, вань ӟеч мал-панъёссэ но тыршонъёссэ сапта.

Асьме дырын Петров кадьёслы ки-валтонын кема возькыны уз кылды ни. Сыӵеосты шараяло но улляло.

55

Писатель та образэз юн возьма- тэм. Озьы ке но, пусъёно луэ, та ге­ройзэ со адӟемпотостэм    каремемыз сьӧдманы тужгес тыршем:   улонысь басьтэм образзэ кытӥ-отӥ   прямоли­нейно суреда. Зэм, сыӵе муртъёс вал, нош соос асьсэлэсь пыкмемзэс чебе-ресь кылъёсын но кескич луэменызы ватыны быгатылӥзы,  нош    книгаын Захар укыр шонерак   возьматэмын. Озьы, кылсярысь, ошлэн    кышкатэ-мез характерез муромытыны уг юрт-ты, та  геройзэ гротескно сётэ,  нош со гротеск татын, реальной планын, характер бордысь нимазгес висъясь-ке. Оскыны уг луы ни, сыӵе кескич адями  аслэсьтыз тырмымтэоссэ со-кем  мултэс  шараялоз шуыса, соин ик таиз картина отрицательной пер-сонажлэсь образзэ кужмоятыны  уг юртты.

Захар Петров огназ ӧвӧл, со выл-лем ик суредамын МТС-лэн дирек-торез Рыбин но. Таиз озьы ик ас положениеныз злоупотреблять каре, со государстволэсь но колхозъёслэсь интересъёссэс лыдэ уг басьты, ас понназ гинэ сюлмаське, колхозъёс чотын шулдыр но тыр улон утча. Рыбин одӥгысьтыз колхозысь умой-гес скал басьтыны тырше, муке-таз — парсь куайтэ, нош куинетӥ-яз — муш вордэ. Нырысь солы пӧр-тэм амалъёсын Захар юрттӥз, нош берло, председательысь куштэм бе-разы, Рыбин ас бурд улаз сое кыске но ӵош уродэсь ужъёс лэсьто.

Петров но Рыбин кадьёс асьсэлэн кескич подхалимствоенызы райком-лэн секретарезлэсь Степановлэсь синзэ вотэсаны быгатӥзы. Со ӵем дыръя оскылӥз Рыбинлэн «револю­ционной кылъёсызлы», нош со сьӧ-рысь пуштроссэ адӟыны ӧз быгаты. Берло ини, калык юрттэмъя, со кол­хоз собраниын Петровлы чутрак пу-мит султэ. Нош Рыбинэз со озьы ик валаса уг вутты.

Степанов вӧзын выль адямиос бу-дӥзы. Соослэсь кылзӥськемез солэн ӧз поты. Выль усло-виосын но азьло амалын кивалтыны турттэ. Соин ик

56

сое улон ачиз сюрес вылысьтыз па-лэнтӥз – коммунистъёс кема ужам секретарез ужысьтыз мозмытӥзы. Писатель туж быгатыса но валамон асэныз ачиз нюръяськемзэ но, вуж сямзэ вормытэк, солэсь канылля уллань лэзькемзэ.

Степановез  воштӥсь Главатских книгае потэ кыкетӥ секретарь долж-ностьын. Герой кабинетын гинэ уг пукы, колхозъёсы ӵем вуылэ, огшо-ры гинэ уг вуылы, калык пӧлы мы-нэ. Озьы со  кивалтӥсьёслэсь гинэ ӧвӧл, рядовой колзозникъёслэсь но туж  визьмоесь  ӵектонъёссэс кылэ, калыклэсь верамзэ ас ужаз кутыны тырше. Таиз секретарь ужез ачиз эс-кере,  ваньзэ ас синмыныз адӟыны тырше, соку гинэ выводъёс лэсьтэ.  Персонаж книгаын трос ке но возь-матэмын ӧвӧл, нош солэн образэз ас манереныз, улон шоры мур учкеме-ныз висъяське, солэн сюлэмыз, мал-панэз но характерез умой суреда-мын.

Партийной    кивалтӥсьёс пӧлысь тужгес но умой    суредамын Илья Поярков,   колхозной   партограниза-цилэн секретарез. Сое писатель улэп муртэ сямен пуктэм: Поярков семья кусып    улонын    но,    общественной ужын но син азе кыльымон пӧрмем. Колхозной секретарез собраниосыз гинэ ӧвӧл, адӟыны луэ колхозникъ- ёсын вераськыкуз но, председателен вачепумит луыкуз но.    Со   честной адями. Уж шоры но,   калык но,  семья шоры  но чылкыт синъ-ёсын учке.

Тӥни   озьы,   Т. Архипов удмурт литератураын нырысьсэ умой суре-даны быгатӥз партийной кивалтӥсь-ёслэсь образёссэс; солэн та герой-ёсыз   огшоры   улонлэсь   висъямын ӧвӧл, соос мукет адямиос сямен серекъяло, куректо, ченгешо, дыше-то, шуг-секытъёсы но вуыло но  отын потон сюрес утчало. Кужмо возьма-тэмын   Авдеевлэн    характерез. Та выллем ик герой вань В. Тендряков-лэн   «Тугой узел»   повестяз.    Отын Павел Мансуров юн тышкаське Фе-досий Мургинэз. Но Мургин ӝог сёт-ске,  пумитъяськыны,     ас   малпанэз вылын   сылыны уг дӥсьты. Авдеев Мургин сямен уг сётскы, ас осконэз вылын юн тыпы кадь сылэ, ас шо-нерезлы со оске, сьӧд уже ке но по-тэ, секытъёслэсь уг кышка. Со чиг-тыны луонтэм.

Та образъёс сяна, писатель кни-гаяз трос пӧртэм персонажъёс кыл-дытӥз. Соослэн котькудӥзлэн асьсэ-лэн характерзы вань. Вералом Та-няез. Нырысь книгаын со основной герой вал, таяз ӧжытгес поталля. Озьы ке но, яркыт суредамын. Ге-роиня уж котырын но, семья кус-пын но возьматэмын. Автор тыршем солэсь переживаниоссэ, малпанъ-ёссэ мургес шараяны, сои ник та образ семейно-бытовой планын умой суредамын. Верам потэ одӥг тырмымтэез сярысь. Танялэсь обще-ственной улонэ пыриськемзэ возьма-тон понна писатель нимысьтыз кар-тина пыртэм: сильзор но тудву Таня-лэсь етӥн участоксэ сумедэн ӝутъя. Та учыр лыдӟымон ке но, Танялэсь образзэ уз уг узырмыты. Уката ик та выллем картина М. Ляминлэн «Уй-пал буртчин» очерказ но вал ини. Сои ник та учырез книгае пыртыны кулэ вылымтэ.

Вылӥяз кӧня ке кыл врамын вал ини Авдеев сярысь. Со борды эшшо но берытскем потэ на. Автор сое туж умой суредам. Котькуд выросэз, поступокез оскымон. Ӟеч возьматэ-мын солэн улон сюресэз. Авдеев ужез яратись мурт, нош со улон шоры азьло сяменгес учке. Пичи колхозын, одӥг гуртын, со туж умой кивалтись, но бадӟымесь колхозъ-ёслы пумит султэ. Писатель быгаты-са суреда сыӵе учырлэсь мугзэ: Авдеевлэн дышетскемез ӧжыт, нош выль ужпумез нырысь валатэк пал-дургес учке. Берло ини уж вылын ачиз адӟе аслэсьтыз янгышамзэ.

Озьы ик писатель   романаз    туж самобытноесь геройёсты  Кимиез но Чумоез суредам.    Нырысез, улонэз адӟем пересь, котькыӵе ужпумез  ас мертэтэныз мерта, тросгес вераськы-ны яратэ, пӧртэм проблемаос сярысь поттылэ.   Автор сое вы-росъёсыныз но малпанъёсыныз ори-гинально возьматэ.

Чумой кенак книгалэн    нырысетӥ люкетаз кыл вӧлдӥсен гинэ   возьма-тэмын вал, нош таяз книгаын со да-но ужась луэ, ачиз дышетэ парсь-сюдонэз умой пуктыны. Та образъёс сяна, романын вань трос мукет эпи-зодической образъёс но. Сыае луо агроном Коркин, тракторист Шакир, дышетӥсь Мария Петовна но му-кетъёсыз, соос ваньзы ик асьсэлы гинэ тупась характеренызы, мал-панъёсынызы суредамын, ваньзы ик маин ке но юртто основной персо-нажъёслэсь образзэс муромытыны но котькудӥзлэн понназ ас сямыэ вань.

Персонажъёсты  нимысьтыз висъ-яны быгатэ автор   удмурт   кыллэсь трос луонлыксэ   ас    ужаз    кутыса. Геройёслэн      вераськон     сямъёссы пӧртэмесь. Тани басьтом Петров За-харез. Начальник луэмзэ    со коть-кызьы ик пусйыны тырше. Соин ик солэн вераськоназ тросгес канцеля-ризмъёс пумиськыло:    «Туннэ    мон «Совет»    колхозысь    ужъёсын    до­сконально тодматски но изучать ка­ри. Ачим    лично    кулэ    указаниос сётъяй. Персонально ачим колхозъ­ёсын индивидуально уж нуи. Нимаз ик ачим правление..., то есть, брига-даосы вуылӥ.   План   наметить   ка­рим...» (120 стр.) Та   кылъёсъя    ик шӧдӥське   Захарлэн     бюрократиче­ской системаен ужамез; ассэ данъян понна со гольтырес  вераське,  коть-куд кыл куспаз канцелярской    кыл ватса. Стилезъя тодмо, та персонаж начальникъёс азьын пыд пыр йылаз ветлыны дась шуыса.    Нош колхозэ вуэм бераз   колхозникъёсын    солэн кылыз чылкак воштӥське: кильтыръ-яськонзэ но чеберъяськонзэ   вунэтэ, нош кулэ дыръяз кескич но вераны быгатэ. Озьы писатель геройзэ солэн вераськемез  пыр туж умой  суреда, солэн кылыз пыр возьматэ вань мал-панъёссэ, пуштроссэ.

 Нош Кимилэн чылкак   мукет   ве-раськон манерез. Нырысь  кылъёссэ веракуз ик серем потэ ини. Тани со Петровез кызьы сереме уськытэ контораысен лек пумитам бераз: «Адӟиськем потӥз, председатель эш, — шуэ со. — Одӥг ужпумъя ве-раськон но вылэм. Валэ но сое шӧ-дӥз, лэся. Тазьы йӧл нуыса мынӥсь-ко но, правление вадьсы вуыса,. «Орлике» тыпак дугдӥз. Шуккисько но, лӥятӥсько но, быжыныз гинэ шо-

57

налтэ. Будьто ке интыяз дурем кадь луиз» (144 стр.).

Автор героезлэсь кылъёссэ серем—пыр карыны быгатэ синтаксической конструкциосын но кылъёсты пӧртэм порядокен тупатыса. Уката но сере-мес кылӥське. Кимилэн ас валэз ся-рысь пӧръяса мадемез.   

Нош кылзӥське али тӥ Чумойлэсь верам кылъёссэ. Райисполкомлэн председатслезлэн ӧсэз азьын ченге-шемаз но собере Олексан дорын ве-раськемез ик вань сямъёссэ, тусбуй-зэ син азе пукто: «Соос но, соос но, — ӟырдаз Чумой. — Соослы пукемзы понна жаловань лыктэ, трудодень гожто. Мыным кин гож-тоз тани татын ӧс шоры учкыса пу-кеме понна? Мон пыдыным лыктӥ...» (111стр.). Татын автор мукетгес юнструкциосын кышномуртлэсь кир-пазяськемзэ возьматыны быгатэ.

Т. Архипов персонажъёсты ас тус-буенызы  возьматон    понна,    мукет писательёс сямен, вводной    кылъёс-ты но ӵем пумиськылӥсь   сочетани-осты геройёслэн    кыл    висказы    уг пыртылы. Образэз умой индивидуа­лизировать карон понна со котькуд персонажлэсь вераськонзэ синтакси­ческой конструкциос пыр пӧртэм ка­ре. Тани Авдеевлэн ӟырдыт манерыз но вераськон сямыз Захарен вачепу-мит вуыкуз уката ик усто адске: «Та бумагалэн кылыз ке луысал, — шуэ Фёдор    Семёнович, — со    куараен бӧрдысал! Ма тӥ кариськоды соин? Кидыс кисьтоно ке, бумага гожтӥсь-коды,  кизьыны потоно ке — бума­га, араны — нош ик бумага.    Кы-тысь ке инмысь усемын кожаськод-а монэ? Пурисьтай ни мон та музъем вылын. Нош тӥ мыным соку    гинэ пыд йылаз султэм пичи    пилы   ся-мен индылӥськоды! Бырод тӥледын! Нош кӧня юанъёс татын!    Кин мон татын:  канцелярист-а,    нянь    будэ-тӥсь-а?» (63 стр.). Та верамысь ась-меос  адӟиськом  Авдеевлэсь    бюро­кратической      амалэн     кивалтонлы ӟырдыт   пумит   луэмзэ.    Геройлэсь котырзэ, обстановказэ   возьматыкуз автор соос пыр персонажлэсь сямзэ пусъе. Кылсярысь,  Коркин агроном сярысь вакчияк авторской   характе-ристикаын туж шонер    возьматӥсь-ке: «Коркин   шлевой   сумкаысьтыз

58

дыртыса бугыръяськыны ӧдъяз. Кими со шоры паймыса учке. Мул-тэс зӧк ук солэн сурон сумкаез. Бу-магаосын тӧрнамын» (317 стр.). Берло фраза туж шонер возьматэ Коркинлэсь циркуляръёс но мукет пӧртэм бумагаос борды гинэ озьы зэмос улонлэсь палэнын сылэмзэ. кутскы-са улэмзэ, соослэсь гинэ кужымзэс лыдэ басьтыса,  

Т. Архипов куд-ог геройёссэ суре-дакуз, уката ик Кими сярысь вера-куз,    туж    интересной   приёмъёсты лыдэ басьтэ. Тани Кимилэсь юмоке сюремзэ таӵе фразаос умой возьма-то: «Ма мон... ма мон... озьы ик шуи Главатских эшлы, та, пӧй,мынам Параскаелэн пӧзьтэм  винаезлы уг кельшы... Шӧг но ӵуштаськемын но. Нош со умой шуэ. Монэ ведь уд ал-да…» (297 стр.). Соку гинэ кумыш-казэ ушъясь Кими  кышноез пырем бере   солэн    ӝотырес    кылъёсызлы пумит вераны уг дӥсьты, кылыз но быгыльме,    кумышказэ но курланы кутске но серемес учыре сюре. Ки-миез возьматыкуз    писатель шоло-ховской юморез но  пыртэ. Кылся-рысь,   «Орликез»  сярысь геройлэн верамез туж серемес луэ.Со валэз Кимилэн, авторлэн   верамезъя, туж дыг, номыртэм  каллен ветлэ, нош герой сое кыӵе ке но шумприч уж-пиосын ӵошатэ: «Сыл, беглой, ноку но калыкъёслэн валъёссы сямен уд сылӥськы. Сезьы тыныд тросгес ше-де кадь. Ялан    кӧтурдэстэ бичатэ. Калленгес,      калленгес, асьмемын ӵош ачиз   Александр   Прохорович бертоз. Сокем эн дырты,    киргатӥд мар ке, бырид, асьмеос ӟечез ум ад-ӟе ни...» (11 стр.) Т. Архипов мукет интыосаз но сыӵе ик    юмористиче-ской приёмъёсын суреда та геройзэ.

 Автор геройёссэ шудыса но   се-ректыса гинэ уг возьматы, озьы ик соослэсь мур ӝоже усемзэс но возь-матэ. Нылкышноослэсь переживани- оссэс яркыт ка-рон понна    писатель пӧртэмесь выразительной    амалъёс-ты ужаз кутэ, тужгес   но риториче-ской юанъёсты, восклицаниосты, ут- верждениосты внутренней монологе пыртылэ.  Озьы Танялэсь  но Лиза-лэсь сюлэмзэс автор внутренней мо-нолог пыр сэрттэ-пертче.

Т. Архипов ас произведенияз туж интыяз но быгатыса пыртэ несобст-венно-прямой речез, тужгес но ин-тыяз луэ та приём геройёслэсь мал-панъёссэс но пережваниоссэс возь-матыкуз. Тани Захарлэн колхоз председатель луэмез бере малпанъ-ёсыз туж умой адско таӵе кылъёс пыр: «Конечно, корка луыны кулэ корт липетэн, паськытэсь укноосын, сад пушкын. Республикаысь лыктэм бадӟым мурт, пӧртэм корреспон-дентъёс но кинъёс юатэк мед тод-малозы председательлэсь корказэ. Вунэтоно ӧвӧл шур дурре пуктыны. Бадӟым тымет тымыны луоз. Тулыс уӵыос чирдозы. Вот улон, уйзэ вӧта-са кӧлтозы. Яратӥсько мон уӵылэсь чирдэмзэ. Кисьтэ ук бен, кисьтэ!...» (143 стр.).

Автор героезлэсь вераськон мА-нерзэ но, солэсь стильзэ но озьы ик исатэк кельтэ, солэсь вань малпанъ-ёссэ аслаз верамез пыр ке но возь-матэ. Озьы ик несобственно-прямой речь пыр автор возьматэ Сандӥлэсь, Палашлэсь переживаниоссэс. Соос-лэсь вераськон манерзэс воштымтэ-ен сямзы син азе пуксе. Писатель отын ик геройёсызлы аслэсьтыз от-ношенизэ но пусъе.

Куддыръя геройёслэн пережива-ниоссы уката но яркыт каремын луо, соослэсь малпанъёссэс маин ке но мукет явлениосын, предметъёсын ӵошатыса. Палашлэн секытэн луэм бераз вань малпанъёсыз нылпи ся-рысь вал. Со урамын шудӥсь пи-налъёс шоры но мусоесь синъёсы-ныз учкылӥз, пиосынызы ӵош ло-бась тылобурдоос шоры но: «Тӥни льӧмпу куар пӧлын карысьтыз по-тэм ӟольгырипиос пуко. Анайзы шумпотэ, котыртӥзы улвай вылысь улвай вылэ тэтча. Маке но ас кы-лыныз вера. Собере со кытчы ке ыше. Кема ик у гулы, нош вуэ, ымаз сион вае. Пичи пиосыз, ӵуж ымду-ро нырзэс усьтыса но бурдъёсыны-зы сэзъяса, солэсь сион сётэмзэ возьмало. Дыдык но кемалась ини пиоссэ лобаны дышетэ, курег но тӥ-ни пиосыз пӧлын туж мотор ветлэ. Котькинлэн аслыз мусо…» (211 стр.) Таӵе ӵоштаонэз уже кутыса, писа-тель быгатэ лыдӟисьлэн сюлмаз йӧтымон образ кылдытыны, Палаш-лэсь вань сюлмаськемзэ, мылкыдзэ туж оскымон вераны.

Удмурт прозаын туж лябесь порт-ретной характеристикаос. Писа-тельёс геройёссылы портрет гожты-кузы одно ик ӝуждалазэ, йырсизэ но тушсэ гинэ пусъёзы вал. Нош Т. Архипов та романаз портетъёс-ты син азе адскымон суреданы бы-гатэм. Второстепенной геройёслэн ымныр тусбуйзы но книгалэн стра-ницаяз потэм беразы ик быдэсак су-редаське. Кылсярысь, басьтом Ипа-товлэсь портретсэ. «Ипатов егит ӧвӧл ни. Кузялэс восьтэт ымныраз гордалэс тушез согы кадь адске. Синъёсыз вожалэс, бака кожлэн ву-эз кадь. Шер йырсиё йырыз кымам горшок выллем йылсояськыса ӝут-скем. Мугорыз кузь но чиед. Соин но, лэся, дӥсез лысьӧм вылэ бырт-тэмлы кельте. Ӝӧк вылэ понэм бад-ӟым моклоко но гоно суйыз зӧк су-сыпу дӥнь кадь адске. Бадӟым лыза-лэс ны-рыз, паськыт ымыз но ӵуж пиньёсыз, сумбрес мычиськем анге-сыз солэсь ымнырзэ уката но сум­брес каро»  (72 стр.).

Основной персонажъёслы портрет­ной характеристика сётыкуз писа­тель пӧртэм амалъесты утча. Заха-рез суредакуз автор соку ик сое сэрттыса-пертчыса уг возьматы, со­лэн портретэзлэсь одӥг палзэ гинэ пусъе, нош мукет дыръя сое мукет ласянь возьматэ. Ипатовез суреда­куз писатель статической чертаос-ты гипэ лыдэ басьтэ, нош главной возьматыкуз портретлэсь динамической чертаоссэ пусъе. За-харлэн портретэз нырысьсэ умой-умой адске Михайловлэн ка-бинетаз пырем бераз: «Петров Захар кияз зӧк папкаен шокпотыса пыриз. Олексанлэсь председатель интыын пукемзэ адӟыса, восьтэт мугорыз юан пус кадь луиз. Ымдуръёсыз ва-че по уг вуо. Туннэ ӵукна гинэ ад-скылӥзы ке но, али со шоры учкыса, ар ӵоже адӟылымтэ туж матысь бадӟым эшеныз пумиськиз кожалод. Курка пуз кадь пужыё кузялэс ым-нырыз ӵыж-ӵыж луэм, пужыосыз ик ышиллям» (119 стр.).

Писатель героезлэн портретэз пыр солэсь малпаньёссэ возьматэ. Пет-ровлэн вань тусбуез ик воштӥське Лариса Нцкрлаевнаен вераськыкуз: «Захарлэн синъёсыз вӧям кадь чи-

59

ляло, ымдуръёсыз уката пеперски-зы. Кылыз но солэн аслыз уг кель­ты ни, огез бӧрсьы мукетыз кисьтэм кадь потэ» (104 стр.).

Нош Олексан сярысь верано ке, солэн портретэз, вань тусбуез, ма-нерыз книгаез лыдӟон сямен пумен мургес но кужмогес луэ.

Романлэн художественной узыр-лыкез — образной кылыз бордын. Со узыр чебересь метафораосын но ӵошатонъёсын. Кылсярысь, «Парсь-ёс... юш кадесь» (113 стр.); «Шурали кадь лобась, коӵо кадь ушъяськись Захар» (204 стр.); «Со-ос (карандашъёс) лэчыт вӧлыса да-сямын но пештырскыса уло: тани соос тон пумитэ тэтчозы (7); «Ке-малась витем шуд Ильялы мышкин берытскиз» (217) но мукет. Роман тужгес но узыр калык выраженио-сын, прсловицаосын но поговорка-осын: «Кускыдлэсь вылэ уд тэтчы (30); «Мугорыз но сумъямын, мыл-кыдыз но каргамын» (72); «Макем адями улын, сокем инмар вылын» (159); «Анаезлэсь кеньыр пырым-тэ ке, педласянь пуньыен уд тыры ни» (159); «Возьыт мынам возь вылэ кылем но сое тулыс тулкым нуыса кошкем» (234) но трос му-кетъёсыз.

Куддыръя чебересь выраженио-сын артэ ик лябытэсь образъёс но пумиськыло, нош одӥг интыяз ян-гышаса но верамын: «Пыд таба-нез гусеница улэ пачкам» (325). Гу­сеница улэ нокызьы но пыд табань пачканы уз сюры, нырысь ик пыд бам сюроз. Автор малы ке но туж ӵем вералля Ипатовлэн «сусыпу кадь моклоко суйыз» сярысь, сыӵе повтор уг юртты образэз кужмояты-ны, лыдӟисез гинэ вуёмытэ. Со выл-лем тырмымтэос трос ӧвӧл. Озьы ке но, соосты пусйытэк кельтэм    уг поты,   малы ке  шуоно, азьланьын писатель ас тырмымтэоссэ   но    ян- гышъёссэ лыдэ мед басьтоз.

Романлэн    композициез     ӝикыт, главаос    куспазы   умой    герӟамын, мултэс геройёс но ӧвӧл, соос ваньзы ик маин ке но юртто основной кон- фликтэз муратыны.

Автор ас азяз туж важной ужпум пуктэм: умойёсызлэсь, азьмынӥсь-ёсызлэсь вуж улонлэн кылемезлы пумит нюръяськемзэс, вылезлэсь, вужзэ вормыса, азьлань мынэмзэ.

 Мынам малпамея, умойтэм соиз автор,   геройёсызлэсь сюрессэс ны-рысь умой но оскымон возьматыса, романлэн пумаз вань конфликтъёс-ты сэрттэ.     Озьы    колхоз улонэз идиллической, чеберъяса    возюматэ. Соиз ини оскымон ӧвӧл, малы ке шу-оно, улонын одӥгез конфликт быры-са мукетыз кутске, улон — со ӵошк-кыт интыетӥ  нискылан ӧвӧл. Про-изведенилэн пумаз лыдӟисез буйга-тыны гинэ тыршоно вылымтэ, мал-паськыны    но    дышетоно вылэм. Конфликтлэн кызьы но мар йылпумъяськонэз   сярысь    лыдӟись но мед малпаськоз. Соку произведе-ние уката но устогес луысал.

Писатель куддыръя чаклатэк мул-тэс картинаос но эпизодъёс пырты-лэ но озьы действиез ӝегатэ. Озьы, Кимилэн скорпион сярысь верамез произведенилы уг юртты.    Со выл-лем ик мултэс луэ мукетыз карти-на. Колхозлэн правленияз пудо вор-дон сярысь заседаниез гожтыкуз ав-тор, та сцена кӧсыт медаз луы шуы-са, лэся, Кимилэсь ӟег турнасьёсты пыӵалэн кышкатэмез сярысь эпизод пыртэ. Нош со мултэс луэ, действии-ез гинэ ӝегатэ. Со сяна,   Кимилэсь образзэ мыдлань возьматэ. Та кар-тина дырозь лыдӟись   Кими шоры мукет синмын учкиз — улонэз тодӥсь адями шоры.    Нош та гож-тэмъя со вож ӟгеез турнан сярысь уг тоды на вылэм. Кими    дояркаосын ӵош ужа бере  вож ӟегез скалъёслы сюдон сярысь мукет   колхозникъёс-лэсь азьло тодысал ини. Тӥни соин сэрен автор гажано Кимиез умойтэм учыре вуттэм.

*  *  *

Т. Архипов выль произведенияз оскымон яркытэсь художественной образъёс пыр туж интересной пумъёсты ӝутыны быгатӥз, я улонысь выль противоречиосты суредаз, асьме вакытысь умой выльзэ данъяса, отын ик туж чу-рыт критиковать кариз тырмымтэос-ты. Озьы писатель юрттэ асьме уло-нысь вань уродзэ, кырсьсэ ӵужыса выльзэ юнматыны.

Ф. ЕРМАКОВ

Удмуртской научно-исследователь-ской институтысь научной ужась. 

60   

Дмитриев Г. Пальпотыса ӝужа май шунды. Т. Архиповлы эшлыко чуръёс // Молот, 1964. –  № 5. – С. 63.

Продолжение »