 |
|
|
Фотогалерея
Статьи писателя:
Трофим Архипов. КИНЪЁС СООС? // Калык куара. Кылбуръёс но веросъёс. – Ижевск: Удмуртгосиздат, 1951. – С. 3-10.Тани мон азьын «Правда» газетэ поттэм фотосни-мок. Син шоры нырысь ик адске паськытэсь укноё юрт, калыкен тырмем ульча. Кинъёс шоры та люкаськем калык учке? Кинъёс соос, йырзэс ошыса, пумтэм-йылтэм кыстӥсько? Та тусъем адямиосты адӟылоно вал газетъ-ёсысь но журналъёсысь 7—8 ар талэсь азьло, Быдӟым Отечественной война мынон аръёсы. Сыӵеесь ик соос кузь мугороесь, пурысялэс вакчи дӥсен, мырк, возьыттэм ымныроесь. Соос ас дыраз ӝынызэ Европаез барабан шуккем улсын вамышъяса ортчизы. Советской Союзлэн вылаз пырем беразы гинэ соос вылэ ноку адӟы-лымтэ кужымен советской адямиос шуккет сётӥзы но улэп кылемъёсыз, тани тазьы ик йырзэс ошыса, конвоиръёслэн келямзыя ульчаостӥ ортчылӥзы. Со вал Гитлерлэн бырйыса ыстэм солдатъёсыз. Кытысь бен нош ик та тодмо суред син азьын? Веть гитлеро-вецъёс кемалась пазьгемын. Но Гитлер огназ вылымтэ. История, шӧдске, импери-алистьёслы тырмыт урок сётымтэ на. Гитлерлэсь сямъ-ёссэ, солэсь политиказэ быдэсак асэстӥзы трумэнъёс, черчилльёс, эттлиос — империалистъёслэн приказчикъёс-сы. Самой со Трумэнлэн ыстэм муртъёсыз, тӥни тазьы, йырзэс ошыса, ульчаетӥ ортчо. Таосыз американецъёс асьсэлэн кузёоссы понна йырзэс поныны мылкыд карил-лямтэ, киоссэс выллань урдӥллям. Трумэн но солэн гыж-калъёсыз та адямиосты Тихой океан вамен, мореос но заливъёс вамен трос сюрс километр кеме Кореяе ыстӥ-зы. Малы? Ма утчаны американецъёс лыктӥзы татчы? Оло корейской калык американецъёслэсь улон музъемзэс талаз-а? Оло ваньбурзэс кысказ-а? Городъёссы вылэ 3 бомбаос куяз-а? Огзэ но таӵе ужъёсты корейской калык ӧз лэсьты. Озьы ке, малы американецъёс татын? Озьы ке, шуг-секытэ усем адямиослы юрттыны лыктӥзы шат? Ӧвӧл, Трумэн соосты бомбаосын, лушкаосын татчы ыс-тӥз эрике потэм адямиослэн чыртыязы нош ик секыт из ошыны. Иудалы — корейской калыклэн лек тушмонэзлы Ли Сын Манлы — юрттыны. Тнни малы американецъё Кореяе лыктӥзы, тӥни малы пересьёсты но, пиналъёсты виыло. Нош вапум табере мукет. Быдӟым Октябрьлэн тыл-сиосыз Европаысь но Азиысь трос миллион калыкъёс-лэсь синъёссэс югдытӥзы. 475 мнллионъем китайской калык сэрпалтӥз американской но английской вир юись-ёсты, ӧвӧл ни табере китай калыклэн тыбыр вылаз пуксьыса ветлӥсьёс. Советской войскоослэн юрттэмзыя 1945 арын корейской калык японской империалистъёсты ас вылысьтыз сэрпалтӥз. Только ӧз кылды та калыклы соку ваньмызлы мозмытскыны. Японецъёс интые американецъёс вуизы: Корея кыклы висъяськиз, одӥг музъем кыклы люкись-киз. Одӥг палаз эркын улон паськыт дун шур кадь ӧръяськиз, нош мукет палаз азьвыл кадь ик зӥбет, азьвыл кадь ик пеймыт но курадӟон. 38 параллель сьӧрысь зӥбет улэ кылем кореецъёс эрике потэм эшъ-ёсынызы ялан огазеяськыны тыршизы. Американецъёс но соослэн медъям муртъёссы та тыршонлы быдэсмыны люкетӥзы. Узатӥзы соос Ли Сын Манэз Северной Корея-ысь калыклэсь шудзэ таланы. Эркын юртэ, эркын музъ-еме тушмонъёс пыризы пыӵалъёсын, виресь киосынызы. Ӝутскиз тушмонъёслы пумит батыр калык кужым лек вожпотонэн. Калыклэсь эрик понна, шуд понна нюръяськонзэ дуг-дытыны быгатымон нокыӵе кужым ӧвӧл: зарни долларъ-ёс но, лобась крепостьёс но татын кужымтэмесь. Калык-лэсь вирзэ кисьтыны зарниен медъяны луэ Чан Кай-ши кадьёсты, пӧртэм сыӵе баодайёсты но дегаспериосты. Калыклэсь сюлэмзэ, солэсь шуд понна тыршемзэ зарни-ен уд басьты. Уката ик сыӵе калыклэсь, кудӥз тодэ, ма со колониальной зӥбет, кудӥз адӟиз ини, ма со эрик, ма со ас музъемедлы, ас государствоедлы кузё луон. Американецъёс но пумен ӟечгес адӟо ини, макем дуно усе соослэн быдэс дуннеын кузёяськыны тыршонзы. 4 Ужаса улӥсь калыкъёс ялан воштӥсько. Соос страназэс киултыны лыктэм захватчикъёс азьын киоссэс уг ӝуто ни, американской миллионер азе уг пыдесъясько ни, соос шуккетлы пумит кужмогес шуккет сёто, асьсэ ору-жиенызы гинэ ӧвӧл, тушмонлэн оружиеныз но. Озьы вал Китайын, сыӵе ик югдур Кореяын но. «Ӝожомы-са верано луэ,— шуэ «Нью-Йорк таймс» газетлэн кор-респондентэз,—Кореяын американецъёсты ыбыло амери-канецъёслэсь ик талам оружиосын». Американецъёс мурт музъемез таланы но дуннеын кузёяськыны турттэмзэс ватыны выро таӵе кылъёсын: «Ми, пе, эрик ваиськом». Туж тодмо кылъёс. Гитлер но озьы ик кутскиз. Тодмо кызьы быремез но. Американской империалистъёс та сярысь тодазы вайысалзы ке, умойгес луысал. Умой луысал тодазы вайыны XX дауре луэм кык исторической ужпумъёсты но, кылсярысь, ны-рысетӥ империалистической войналэсь но кыкетӥ миро-вой войналэсь урокъёссэс. Нырысетӥ империалистической война йылпумъяськиз озьы: дунне кык лагерьлы лю-киськиз. Империализмлэн жильыез чигиз но, дуннелэн одӥг куатьмос люкетаз советской власть кылдӥз. Кыкетӥ мировой война бере империалистической системаысь мозмизы данакез Западной странаос, соборе — быдӟым Китай калык. Табере 800 миллионлэсь тросэз калык социализм сюрес вылэ султӥз ини. Меӵак вераны кулэ — куиньметӥез мировой война но, империалистъёс сое ӝу-тӥйзы ке, номыре ик ӟечсэ соослы уз вайы. Табере ужпум сылоз быдэсак империалистической системалэн эзелез сярысь — луоз на-а со дунне вылын, уз луы ни-а? Та сярысь-война кенжытӥсьёслы ӟеч тодыны кулэ вылэм. Американской империалистьёслэн сьӧсь политиказы сярысь туж шонер вераз Владимир Ильич Ленин. Со шуиз: «Нокытын но дунне вылын миллиардеръёс сокем лек уг сьӧсьясько, кызьы сьӧсьясько американской империа-листъёс». Та кылъёс верамын вал 31 ар талэсь азьвыл. Со ды-рысен американской империалистъёс калык понна ӟеч ӧз луэ, соос уката сьӧсь луизы. Американской империалистъёс, асьсэ калыксэс сяна, дасоосын пӧртэм выжы нациосты эксплоатировать каро. Та пумысен одӥгез 5 тодмо советской писатель Илья Эренбург таӵе пример возьматӥз: «Одӥг американецлэн мастерскояз ужало дасо гол-ландецъёс, кык чехъёс но одӥг мексиканец. Тазалыксэ американецлэсь эскере еврей врач, дӥсьсэ миське ирлан-дец, йырзэ ӵышке итальянец, нылпизэ уте негритянка, вуззэ вуза швед, нош сиське со французской ресто-ранын». Татын вераськон мынэ одӥг пичи мастерской сярысь гинэ... Нош быдэс заводэз яке монополие огазеяськем капиталистъёсты ке басьтӥд? Соос кӧня сюрс калыке асьсэлы прибыль люкан понна ужато. Озьы но соослы уг тырмы. Сёт соослы быдэс дуннеез. Вань калык соос понна мед ужалоз. Тӥни ма кулэ соослы: быдэс дуннеен кузёяськон, ваньзэ зӥбыса возён, вань калык чотын бадӟым прибыль люкан. Американской империалистъёслэн ӵыжы-выжыоссы-лэн ортчем сюрессы сярысь но дунне вылысь калыкъ-ёс, каргаса сяна, ӟеч кылын тодазы уз вае. Ма гинэ дунне вылын кышкытэз, кӧшкемытэз вань, огзэ но калыклы пумит кутонлэсь ӧз возьдаськылэ та «цивилизованной» странаысь кузёос. Индеецъёслэсь соос йыркузэс йырсиенызы валче кесязы, китаецъёсты опиу-мен сектаса шузимытылыны турттылӥзы, негръёсты лек пуныослы кесяны сётъязы, нош табере электрической пукон вылын сутыло ини. Соослэсь но кошкемыт ужъёс лэсьто Кореяын. Трос сюрс кореецъёсты улэпкын музъ-еме согыло, гозы кыӵен ошыло, йыръёссэс, кораса,.уль-ча шоры пуктыло. Одӥг Сеулысь гинэ 28 сюрс мирной адямиосты озьы курадӟытылыса виылӥзы. Кореяын шу-рен ӧръяське калык вир. Со но уг тырмы лек сьӧсьёслы. Городъёс но гуртъёс вылэ бензинэн тырмытэм баллонъес куяло. Быдэсак гуртэз тыл басьтэ. Бӧрсяз ик фугасной бомбаос куяло. Улэп кылемъёссэ, тыл пушкысь бызьыса кошкисьёссэ, соос пулемётъёсын ыбыло. Озьы быдэс гуртъёс интые пень но лысьӧмъёс гинэ кылё. Сеул — одӥгез самой вашкала город, мировой культуралэн бадӟым памятни-кез — озьы ик чылкак быдтэмын ини. Ог кызь процентэз сяна юртъёс отын кылемын ӧвӧл. Сооссэ но нуналлы бы-дэ бомбаос но бензинэн тырмытэм баллонъёс куяса сутыло 6 Американецъёс вашкала варваръёслэсь но кыдёке ортчизы, гитлеровецъёсты но азьпалтӥзы. Тӥни кыӵе со «американской цивилизация». Кытӥ гинэ английской но американской колониза-торъёс ортчизы, ваньмыз со интыос вирен наштаськемын, калык синкылиен пылатэмын, отын адямиослэн эриксы но шудзы секыт жильыен дуремын. Кылем XIX-тӥ дауре гинэ китай калык куинь пол войнаен ӝутскылӥз англи-чанъёслэн но американецъёслэн опиум вӧлдэмзылы пумит. Сьӧсьёс зӥбизы китай калыкез. Трос аръёс ӵоже лек пуныос сямен кесязы. Вуиз китай калыклэн чиданэз-лы пум. Быдӟым ӟуч калыклэн примерезъя ӝутскиз со империалистьёслэн зӥбет улысьтызы мозмытскон понна июръяськонэ. Калык кужым вормиз, уллямын америка-нецъёс но англичанъёс Китайысь. Ву шорысь шормуӵ вылэ сэрпалтэмын соослэн медъям Чан-Кай шизы пазь-гем войскоосыныз валче. Асьсэлы тросгес зарни люкан понна американской миллионеръёс адямиосын вузкаронлэсь но, адямиосты виылонъёслэсь но, мукет сыӵе кӧшкемыт ужъёслэсь ке-пыр_ваёнэз азьвыл но ӧз валаллялэ, али но уг валало. Кемалась дырысен историын тодмо: кин вузкариз негръёсын? — Американской плантаторъёс. Кин быдтылӥз но быдтылэ татысь вашкала дырысен улӥсь индеецъёс-ты? – Американской войскоос. Трос сюрс километр ке-мысь — Африкаысь негръёсты вайылыса, татын соосты рабъёслы пӧрмытылӥзы. Нош кудӥз ке негр секыт курад-ӟонлы, зӥбетлы но ултӥянлы чидатэк пегӟе ке вал, со сьӧры пуны уллёосын уиськылӥзы. Кутэм беразы пегӟем негрлэсь киоссэ кораллязы но сое пӧзьысь тэкитэ донгал-лязы. Сыӵе кӧшкемыт курадӟытэмзы бере рабе шедем негрез ошизы. Негрлэн улонэз али но Америкаын ӧз воштӥськы. Кызьы ке сю ар талэсь азьвыл, озьы ик али но сое адя-миен уг лыдъяло, ултӥяло, виыло. Чылкак али гинэ, туэ 2 но 5 феврале, 7 негръёсты электрической пукон вылын электрической токен сутӥзы. Тӥни техникалэсь азинскемзэ кыӵе уже куто американской господаос. Озьы соос вань калыкез кышкатыны туртто. Медаз дӥсьтэ, пе, мир понна, эрик понна нюръяськыны. Медаз, пе, дӥсьтэ ужаса улӥсь калыкъёс ас правозы сярысь ве-раны но со понна нюръяськыны, малы ке шуоно, ужась 7 калыклэн «правосз вань» миллионеръёс понна гинэ ужа-ны — тӥни озьы валало соос калыклэсь правозэ. Нош законазы верамын: вань калыклэн, пе, правоез одӥг кадь. Тӥни кыӵе со «одӥг кадь» правоос! Американской буржуйёслэн медъям учёнойёссы гожъ- яло, Америка демократия но эрик понна сылэ шуыса. Юано вылэм, ку, кыӵе страналы, кыӵе калыклы амери-канской буржуйёс эрик ваизы? Сыӵе примерез нокин но вераны уз быгаты. Нош историысь трос примеръёсты вераны луоз, кызьы соос калыклэсь эрик понна тыр-шонъёссэ зӥбыны туртто. Басьтом асьме егит Советской республикаез. Кин солы пумит интервенция ӝутӥз? Анг-лийской но американской империалистъёс. Советской адямиослы туж ӟеч тодмо, кызьы американской импе-риалистъёс 1918 арын японецъёсын ӵош Дальний Во-стоке десант васькытӥзы, кызьы соос англичанъёсын ӵош Архангельске лыктӥзы. Малы соос лыктӥзы ӟуч калык-лэн музъемез вылэ? Эрик сётыны-а? — Калыклэсь бась-тэм эриксэ таланы, помещикъёсты но капиталистъёсты выльысь берыктыны. Малы соос али лыктӥзы Кореяе? Эрик сётыны-а? — Северной Кореялэсь эриксэ таланы, японской колонизаторъёс интые султыны но Кореяез ко-лонилы пӧрмытыны, асьме вылэ урдскон понна военной плацдарм кылдытыны. Тӥни малы соос отчы лыктӥзы. Соос ик зӥбизы греческой калыклэсь эрик понна нюръ-яськонзэ, соос ик зӥбыны туртто Вьетнамысь калыклэсь эрик понна нюръяськонзэ. Со дыре ик та сурон бамъёс быдэс дунне тыр черекъяло, мир понна тыршиськом шуыса. Ми, пе, ум ожмаськиське, — коммунистъёс ож-масько. Сыӵе ини ворлэн манерез: ачиз лушка но че-рекъя: — «Кутэ ворез!» Американецъёс быдэс дуннеен кузёяськыны дасясько. Со котькинлы туж умой тодмо. Европаын выль война ӝутон понна ваньзэ дасязы ини: главнокомандующойзы вань, генеральной штабзы дась, атомной бомбаос лэсь-тӥсько, консерваос, пӧртэм яичной но молочной поро-шокъёс пумтэм люкамын, корреспондентъёссы но гожъя-ны дасесь. Уг тырмы на огез — солдатъёссы. Та ла-сянь бадӟым сюлмаськон усемын Эйзенхауэр генерал вылэ. Странаысь странае, столицаысь столицае ветлэ со пушечной сӥль дасяса. Англичанъёс но американецъёс дышемын мурт киын зарни люканы. Кореяез зӥбон понна 8 но соос та амалэз ик куто. Кинэ гинэ ӧз люкалэ ини со-ос та пичи странае: татын ик турокъёс но новозелан-децъёс, грекъёс но австралиецъёс, татын ик бельгиецъёс но филиппинецъёс, канадецъёс но колумбиецъёс. Вань-мызлэн соослэн мышказы автоматъёсын но пулемётъ-ёсын сыло американецъёс но англичанъёс. Нош вадьсазы ӵынэн согиськем, вирен ӵоксам, синкылиен пылатэм корейской музъем вадьсын ӝутэмын огазеяськем нациос-лэн чагыр флагзы. Юнме гинэ та бандаос та флаг улэ ватскыны выро. Виресь киоссэс, кузесь пиньёссэс номы-рин но ватыны соослы уз кылды. Кореяе пырыса, американецъёс ӧз шедьтэ небыт музъем. Соослэн пыдулзы ӝуа. Озьы луоз котькытын, куке американской империалистъёс дунне вылын выль война ӝутыны дӥсьтӥзы ке. Уз горттэ соослы зарни дол-ларъёс но, уз юрттэ атомной бомбаос но. Вань ужпум калык бордын. Ӧз ке кылды калыкез пӧяны, империалистъёслэн куиньметӥ мировой война ӝутэмзы уз луы. Мирной улонэз утён борды калыкъёс-лы асьсэлы кутсконо. Соку война уз луы. Нош та уже калык ас киысьтыз лэзиз ке, соку война кенжоз но. Озы дышетэ дунне вылысь вань ужаса улӥсь калыкез Быд-ӟым Сталин. Кык дуннелэсь, кык пӧртэм улонлэсь ялан яркытгес висъяськемзэс табере огшоры адямиослэн синъёссы пу-мен умойгес адӟо ини. Зэмзэ но, кызьы уд адӟы: одӥ-газ — социализме странаын — наукалэсь азинскемъёс-сэ куто калыклэсь улонзэ умоятонэ. Нош мукетаз — империализмо странаосын — калыкъёсты быдтонэ, городъёсты но гуртъёсты куашкатъянэ. Асьмеос атомной энергиез кутӥськом бадӟымесь гурезьёс пушкысь узыр-лыкъёсты бугыртыса поттылыны, шуръёсты, кытчы кулэ, отчы ӧръяны, нош Америкаын атомной бомбаос дасяло бадӟымесь городъёсты, фабрик-заводъёсты куашкатъяны, сяськаяськись бусыосты сутыны, калыкез быдтылыны. Асьмеос, бадӟымесь шуръёс вылэ кужмоесь электро- станциос пуктыса, быдэс шаермес югдытыны, калыклэсь ужзэ капчиятыны тыршиськом, нош соос, мореос шуръёс котыре военной базаос лэсьтыса, выль вир кись-тон войналы дасясько. Асьмеос, каналъёс лэсьтыса, пус-тыняосты сяськаяськись шаерлы пӧрмытыны тыршись-ком, нош соос мореос вискы но океанъёс вискы каналъёс 9 лэсьтылӥзы но лэсьто военной тӥрлык нуллыны выль но вакчи сюрес дасян понна, колониальной калыкъёсты юн зӥбыса но курадӟытыса возён понна. Асьмеос чугун сю-ресъёс лэсьтӥськом Советской Союзысь одӥг кадь пра-воё калыкъёслэсь экономической улонзэс, куспазы гер-ӟаськыса ужанзэс умоятон понна, нош соос зависимо но колониальной странаосысь калыкъёслэсь ваньбурзэ асьсэ доры нуллон понна. Советской калык тупаса улон понна сылӥз но сылэ. Солэн фабрик-заводъёсаз мир понна, калыклэсь улонз умоятон понна лэсьтӥсько уно сюрсъёсын тракторъёс но комбайнъёс, автомашинаос но станокъёс. Солэн колхоз бусыосаз вӧл-вӧл веттаське удалтэм ю-нянь. Советской адямиос уло но ужало одӥг тыршонэн — быдэс дуннеын тупаса улон понна. Та тыршон — вань ужаса улӥсь ка-лыклэн тыршонэз. Нош калыклэн кужымез — самой бад-ӟым кужым. Со вормонтэм. Табере вань сюресъёс нуо коммунизме. Та сюрестӥ асьмеды нуэ коммунистъёслэн партизы, асьмелэн быд-ӟым Сталинмы. Советской калыклэн примерез—дунне-ысь вань ужаса улӥсь калыклы синмаськымон пример. Асьме калык дышетэ, кызьы нюръяськыны, кызьы улыны но ужаны. Асьме сюрес нуэ быдэс дуннеын мир понна
Архипов Т. Бадӟым семья // Кизили. Альманах V. – Ижевск: Удмуртгосиздат, 1951. – С. 89-105.Т. Архипов БАДӞЫМ СЕМЬЯ (О ч е р к) Егор Игнатьевич Игнатьевез райисполкоме ӧтизы. Со вал туэ гужем. Райисполкомлэн председателез, пуконэз ӝӧк борды ик кыскыса, Егор Игнатьевичез матаз пук-тӥз. Нырысь со юалляськиз ужез сярысь, тазалыкез ся-рысь. Собере небытэсь синъёсыныз ӝамдэ учкиз Игнать-ев шоры. Солэн тодэмез потэ кадь, кудласянь выль ужюгдур сярысь вераськон ӝутыны. — Ми тӥледыз, Егор Игнатьевич, ӧтим выль уж ся-рысь вераськыны, — ӧдъяз со. — Кызьы выль уж сярысь? — паймиз Игнатьев. — Зэм, выль уж тонэ возьма. — Бен мон алигес гинэ выль ужын ук?.. — Улон дыртытэ, эше, — ымдур сэргытӥз пальпотӥз председатель, — выль ужед вужмиз ини... Егор ӧз вала председательлэсь берло кылъёссэ. Ке-малась ик ӧвӧл, сое Уленвай леспромхозэ директоре ыстӥзы. Вань ужъёсын сямсн ик, татын но со ӟырдыт кутскиз. Сизьым толэзь ӵоже ужатозяз нюлэс коран но ворттон планзэ толэзьысь толэзе мултэсэн быдэсъяз. Та вакчи дыр ӵоже трос ке но лэсьтӥз, солэсь но уно лэсьтоно на вал. Зэмзэ верано ке, уже али гинэ умой-умой пыриськиз вал кадь. Нош табере... Выль уж — вужмиз... — Сыӵе ужюгдур, Егор Игнатьевич, выль уж дэм-ласьком, — кӧня ке вис бере нош ик вераз председа- 89 — Тодыны уз луы-а, кыӵе со выль уж? — Луоз, малы уз луы. Вордскем гуртад нянь будэ-тыны. — Гуртэ, колхозэ? — Озьы, Игнатьевич, озьы, колхозэ председателе. — Тӥ мар-о, шудӥськоды-а, мар-а монэн? — ӟырдаз Игнатьев. — Кылем арын асьтэос ик отысь басьтӥды. Ма со пичи колхозын пукоды, тӥледлы бадӟымгес уж кулэ шуиды. Нош табере? Нош ик отчы! — Нош ик отчы. Зэмзэ вераса, отчы гину ӧвӧл ни... Вить колхозъёс огазе карисько. — Вить колхозъёс. Вот соиз мукет ужюгдур. Озьыен, асьмелэн но колхозъёсмы огазеясько ини. — Кыӵе колхозъёслэсь огазеяськемзэс вератэк но тодӥськод, дыр, вӧзысьтыд иськавынъёстэ. — Валатскисько ини, радъяз верано ке, таӵе гуртъёс, дыр: Пычас, Починка, Шихово, Шипулин, Уленвай... — Соос. — Бен сомында гуртысь адями ӧз шедьтэ шат? Малы монэ? — Калык озьы куре, Егор Игнатьевич. — Председатель ӝӧкысъ зӧк пайка поттӥз. — Тани тодэмед ке потэ. Учкы но адӟод калыклэсь мылкыдзэ. Игнатьев протоколъёсты басьтӥз, огез бӧрсьы мукет-сэ лист бӧрсьы листэн лыдӟыны кутскиз. Ваньмыз куро сое. Зэм, колхозникъёс куро. Лыдӟемысь дугдӥз но мур малпаськиз. Малпаськиз но шуиз: — Огезлы уггес оскиськы — арлыд бадӟымгес. Тыр-моз на меда кужыме... Ужез туж бадӟым. Вить колхоз. Одӥг пичияз но кӧня уж вал... — Соос тонэ куро бере, оско тыныд. Огазеяськон сярысь собрание дыръя мон ачим кемдӥ одӥгаз колхозэ, ӵапак тӥни со Починкае — 14-й годовщинае. Тодӥсь-код ини, со колхоз ваньмыз сярысь ляб. Ма бордын со-лэн мугез, созэ но тон тодӥськод. Ужпум ведь председа-тель бордын вал. Кӧня соос вошъяськизы война дыры-сен — лыдъяса но уд быдты. Вылаз ик палэнысь муртъ-ёс вал. Тон тодӥськод соослэсь Аляпатсэс. Самой кыллы бырем пересь. Со туж интыяз вераз: «Та колхозын, вокзалын кадь вал: огез пыре, мукетыз потэ. Карамбайын ужез куашкатэ ке, ми доры ысто, 90 мын. Районын ужлэн кыӵе ке удысаз шуг-секытъёс кыл-до ке, отчы вуоз вал Игнатьев. Тужгес ик озьы вал Оте-чественной война аръёсы. Кибья вылъёслэн аранзы трос, кышкыт кылдэмын – ю му вылаз кылёз. Кинэ лэзёно? Мынэ отчы Игнатьев. Шорин Юри вылъёс нянь дасянзэс кемалы кыско — отчы мынэ Игнатьев. Постолын нюлэс дасянлэн ӟырдыт дырыз вуз. Отын, нюлэс корасьёсын ӵош, Егор Игнатьев. Ноку но сое нокытын но щуг-се-кытъёс ӧз кышкатэ. Нош таиз? Таиз уката но бадӟым ук. Кыӵе ке огдыръем кампания гинэ ӧвӧл — бадӟым программа, колхозъёсты выль кужымен ӝутон но юнма-тон программа. Макем паськыт сюрес, макем паськыт план! Тӥни со ик уго мур малпаськытӥз туж трос но бадӟымесь ужъёсты быдэсъям адямиез но. «Тырмоз на меда кужыме?» — юаз сю аслэсьтыз ачиз. Со дыре ик пыдлось сюлмысьтыз кылӥз кадь: «Тырмоз кужымед. Тонэ ӧте ас калыкед, аслад партиед. Солэсь бадӟымез дан дунне вылын ӧвӧл». I I. Районысь потэм бераз со ӧз ик шӧды «Красное Зна-мя» колхозлэн гурезь йылаз вуэмзэ. Гурт сьӧры потӥз но син азяз таӵе ик, кырым пыдсы понэм кадь, адскиз нюлэс сьӧрысь аслаз вордскем Пычас гуртэз — Кагано-вич колхоз — солэн вож-вож юосын веттаськись бу-сыосыз. Со вӧзын ик, паллян палаз — Починка — «14-я годовщина Октября» колхоз. Та кык гуртъёсты пичигес гинэ шур висъям. Бур палаз, нюлэс бордын, пи-чи гинэ ӟуч гурт — Шихово. Паллян палаз, нюлэс бор-дын мукетыз пичи ӟуч гурт — Шипулино. Отӥязгес, лёг йылын — Уденвай гурт. «Ма ӧз тырмы Та гуртъёслы, малы соос тазьы отчы но татчы пазяськемын?» — маллаз Егор Игнатьевич. Зэм но: ог сю сажем ортчыса, мукет гурт, мукет колхоз; ӝыны километр ортчыса, мукетыз гурт, мукет колхоз; километрен ӝыныен мыныса, куинетӥез гурт, куинетӥез колхоз. Бен малы со озьы? Та сярысь мал-панъёс аслаз Егор Игнатьевичлы та дырозь ноку йыраз ӧз лыктылэ. Озьы ик кулэ вал кадь. Вазен дыръя улон ачиз калыкез люкиз: «таиз мынам, таиз тынад — эн йӧтскылы мынамез борды». Кӧня жугиськонъёс, кӧня 92 керетонъёс, тэргаськонъёс вал музъем понна! Читыр-чутыр кыстӥськись кенеръёс. Соос верало: «Тапа-ласез мынам, сопаласез тынад — эн йӧтскылы мынамез борды». Анаос вискын векчи турынэн согиськем мувыръ-ёс. Соос верало вал: «Таиз мынам, соиз тынад — эн йӧтскылы мынамез борды». Озьы ке но, гыремлы быдэ та мувырез мыд-мыдпал ласянь, таиз но соиз но гырись ас палаз кормыштыны турттылӥз. Одӥг вершок ке ӧвӧл, ӝыны вершок ке но ӵабыштоно. Нош со мувыр кыкпал ласянь йырйыса бы-ре ке, тӥрен-пуртэн ваче вуылонъёс ӝутско вал. Бия пи Макар Ондрей яна потэм бераз ас атайзэ мувыр дурын тӥрен кораз. Кӧня сюло, кӧня ньӧр йӧтылӥз куанер калыклы ке-нер понна. Гужем толэзьлы быдэ сямен кенер валлин быдэс гуртэн ветлӥзы. Кинлэсь ке кенер пасьсэ шедьто ке, отын ик вань калык азьын староста но мукет узыр выжыос вир пульы ӝутскымон жугылӥзы. Ваиьмыз со кӧшкемыт суредъёс Егорлы тодмо. Табере со ӧвӧл ни. Пичиослы со сярысь вораськод ке, кыӵе ке выжыкыл вераськод шуыса тон шоры учко. Отчы но татчы пазяськем пичиесь гуртъёс — со туж улонлэн кылем тусыз. «Адями адямилы кион» — тӥни сыӵе закон адяммосты висъялляз. Артельной уж, колхозной улон трос дауръёсын пыӵам сямъёсты вошто, тӥяло. Будэ выль адями, эксплоатациез, ултӥянэз, серем каро-нэз тодӥсьтэм адями. Будо огъя колхоз уж понна, ка-лыклэн ӟеч но узыр, шудо но шулдыр улонэз понна вань сюлэмзэс, вань мылкыдзэс сётыса ужасьёс. Тӥни соос ся-рысь малпаськыса лыктӥз Егор Игнатьевич. «Огнад тон, ньыль киосыд ке но луизы, кымысад сизьым синъёсыд ке но луизы номыре но лэсьтыны уд быгаты. Калыкен ӵош, солэн азьпалаз мынӥд ке, ужед удалтоз, мышказ, быжйылаз кыстӥськид ке, улон лёга-лоз. Кужым калык бордын: герӟаськид — вормид, лю-киськид — бырид». Тодаз лыктӥз солэн та пумысен быд-ӟым дышетӥсьмылэн Сталин эшлэн вашкала богатырь сярысь, Антей сярысь, верам кылъёсыз. Калык бордысь тонэ нокыӵе кужым но висъяны ме-даз быгаты. Соку тон ялан кужмо луод, ялан вормисе потод. Нош кудӥз ке кивалтӥсь адямиослэсь висъяське, ас сюбег улонэныз гинэ улэ, сое калык адӟонтэм каре, 93 тӧлберез сямен пельтыса жаг пӧлы куштэ, сьӧд потэз сямен ишкалтыеа сэрпалтэ. Сыӵе данзэс ыштэм кивал-тӥсьёс сярысь Егор Игнатьевич кылӥз районысь лыктон сяменыз нырысяз ик колхозэ пырем бераз. Со вал «14-я годовщина Октября» колхозлэн контораяз. Со пы-рыку, татын одӥг пересь сторож гинэ кут кутаса пуке вал. Ӟеч-бур кыл верам бераз Егор Игнатьевич юаз: — Тодыны уз луы-а, кытын председательды? Кут кутась пересъ, ымысьтыз чильымзэ басьтыса, бӧм быдӟа ӵынзэ поттӥз но пырем адями шоры учкиз: — Председательмес юаськоды-а? Учкисько ке, тӥ милям гуртысь ӧвӧл, шӧдске... — Кызьы ӧвӧл, тӥляд иськавынды. — Э-э, тон лэся, ук, Лёгор, ӧй тодма, син урод адӟе ни... Пель но сыӵегес. Тодӥсь муртъёс ноку но сое та-тысь уг утчало, пие. Дораз ке уг кылльы, пруд котырын луоз, отын ке ӧвӧл, кылем уй Сэдык, пе, курытсэ пӧзь-тӥз шуыса верасько вал. Со котырын луоз... — Нош счетоводды кытын? — Соиз нуналэн-нуналэн пыдзэ ик уг лёга. — Бригадирды но уг адскы кадь. — Ульянкаез шуиськод-а? — Со, лэся, ук бригадирды.... — Эк-кой, тон, милесьтым вапумез уд тодӥськы. Ма кароз татын Ульянка, председатель но счетовод но ӧвӧл бере. Соос котырын луоз... Та кылъёс одӥг пересь сторожлэн гинэ ӧй вал. Со вал колхоз понна сюлмаськись вань колхозникъёслэн мылкыдзы. Макем соос ӟырдыт шумпотыса пумитазы бускель колхозъёсын огазеяськон сярысь иворез. Мукет ласянь, кепырваисьёсыз но вал. Ма шуоз ка-лык? Калинин но Каганович нимо колхозъёслэн личной счетъёсазы сюрс манстъёссы. Нош милям сюрс манетъ-ёсын тыронъёсмы. Соослэн планъя тырмыт пудозы, чи-пы-курегзы. нош милям уг тырмо. Соослэн кизем юоссы позыръяськыса потэмын, милям со но трослы ляб, бер киземын, му урод гыремын но усыямын. Мар возьытэн огъя ӝӧк сьӧры пуксёд, собраниын пыкылыса верам кылъёсты кылзылод.,. Но вот чылкак паймоно кадь. Огазеяськон сярысь пнмаз-нимаз колхозъёсы.н собраниос дыръя но, вань 94 колхозникъёсты огазе школа юртэ люкаса вераськыку но та сярысь вераськон огъя вераськонлы ӧз пӧрмы. Куд-ог сэрегъёсысь сыӵе куараос кылӥськылӥзы ке но, соос бусы пумысь куара выллем, кыдёке шуккиськытэк ик кысылӥзы. Солэн мугез валамон: бускель калык туж ӟеч тодэ, кин янгыш, кин ӧвӧл. Колхозннкъёс тыршо, соос ужало. Соин ик соос янгыш ӧвӧл. Янгыш соос, кинъёс татын азьвыл кивалтӥзы. Егор Игнатьевич та колхозъёсы вуиз ӟырдыт бусы ужъёс кутскон азьын. Вить колхозъёс пӧлысь кылдӥз одӥг бадӟым колхоз —- Каганович нимо сельхозартель. Вить колхоз интые — вить бригада. Со нуналъёсысен сутскыса, Егор Игнатьевич шутэтсконэз ӧз тодылы ни. Кутскизы ужъёс выль кужымен: кебитъёсын уй но ну-нал кылӥсько молотъёслэн куараоссы, сушилкаос ту-патъяло, липетъёс лэсьто, ын-мешокьёс дясяло. Уж ӧръ-яськиз. Бусыын трактор уй но нунал гыре. Сюлмысьтыз ик шумпотыса но синмаськыса учке калык со шоры. Пась-кытэсь плугъёсыныз куал-куал басьтыса кошке. Удмурт воргорон тракторист Аркадьев син сузёнтэм му вылтӥ, сӥньысэн шуккем кадь, шонер вандыса кошке. Солэн бӧрсяз бызьытэк вуыны но уг луы. — Бен таӵеесь ӧй вал кадь ук азьвылъёсыз тракторъёс? — изьызэ басьтыса, сьӧраз учкыса кыле пересь. Таиз Сталинградысь ваемын, пересь, – валэктэ солы егит бригадир. Война бере поттэмез ини та. — Самой отысь-а, пие, кытын не-мецъёсты туж трос котыртӥзы? — Самой отысь. — Я иське, валай ини, малы сокем кужмозэ но ӝог ветлэмзэ но. Тон озьы ик шу вал: Сталин городын со лэсьтэмын. — Ма мон озьы ик шуисько ук. — Мыным гинэ ӧвӧл, вань калыклы вера. Тӥни, шу, асьмелэн кужыммы, тӥни, шу, сое ачиз Сталин асьме доры ыстэм. Тӥни со табере асьмемыз огазея. Бам вылаз потэм синкылиоссэ пересь ӵушалтӥз ӝоты-рес ки мышкыныз. — Тон номыре но уд тодӥськы, тон номыре но ӧд адӟы, соин тон калыклы но та трактор сярысь уд ве- 95 раськы, — ӟырдаз со бригадир шоры. — Ортчы вал тон мынэсьтым лёгем сюресме. Кисьты вал тон мон мында пӧсям нюлэмдэ. Соку тон трактор сярысь калыклы ве-рам гинэ ӧвӧл, сое пыдесаськыса чупасалыд. Ведь учкы тон сое — огпол удыс басьтэмаз быдэс ана быдӟазэ басьтыса кошке. А мон сыӵе ана вылын тон кадь пинал дыръям ӝыны нунал ӵоже пырткиськи. Нош тон табере кидэ мышкад шеръямед но учкыса сылӥськод. Егит пи, ма шуыны тодытэк, пересь азьын, бадӟым янгыше усем мурт сямен, пыд вылысьтыз пыл вылаз лёгаськыса, сылэ. Нош соиз киыныз шона, уката ӟырда. — Гожтэт ке тодысал, туннэ ик тани пуксьысал но Москвае аслыз Сталпнлы гожтэт ыстысал. Тау карысал. Туж бадӟым тау вань Пычас калыклэсь. Тынад со ся-рысь но гожтыны тодад уг лыкты, дыр. — Мар сыӵе ӵашпоттӥськоды, — куспетӥ кариз ӵапак дыре татчы вуэм председатель. — Ма кызьы уд ӵашеты, Лёгор, таӵе сюлэмтэм адя-миос шоры. Ма быдӟа ӟечез, шудэз уг валало таос. Председатель ма сярысь вераськемзэс валамез бере, пересь пала дурбасьтыса, шуиз: — Туж шонер, интыяз вераськод, пересь. Егитъёс – соос вужзэ ӧз адӟе. Соин ик соос тон сямен ӵошатыны но уг быгато. Ас ымыныз курытэз но кузялэз веръям мурт ческытэз тужгес ик вала. Продолжение » |
© anna-vikt89 |